Muslimvoice: September

`ಮುಸ್ಲಿಂ ವಾಯ್ಸ್' ಇದು ನಿಮ್ಮ ಪತ್ರಿಕೆ.!

ಆತ್ಮೀಯರೇ.,

ಅಸ್ಸಲಾಮು ಅಲೈಕುಂ.

ನಾನು ನಜೀರ್ ಅಹಮದ್., ಮಂಡ್ಯ ಜಿಲ್ಲೆ ಪಾಂಡವಪುರ ನನ್ನ ಹುಟ್ಟೂರು. ಕಳೆದ 20ವರ್ಷಗಳಿಂದ ಕನ್ನಡದ ವಿವಿಧ ಪತ್ರಿಕೆಗಳಲ್ಲಿ ಬರಹಗಾರನಾಗಿ, ವರದಿಗಾರನಾಗಿ, ಉಪಸಂಪಾದಕನಾಗಿ ಬದುಕು ಕಟ್ಟಿಕೊಂಡವನು. ಸಮಾಜದ ಅಂಕುಡೊಂಕುಗಳನ್ನು, ದೀನ ದಲಿತರ ನೋವುಗಳನ್ನು, ನನ್ನ ಬರಹಗಳ ಮೂಲಕ ಆಳುವ ವರ್ಗಕ್ಕೆ ತಿಳಿಸುತ್ತಾ ಸಮಾನತೆಯ ಸಮಾಜವನ್ನು ಕಟ್ಟುವ ಒಂದು ಸಣ್ಣ ಪ್ರಯತ್ನ ನಡೆಸಿದ್ದೇನೆ. ಒರ್ವ ಪತ್ರಕರ್ತನಾಗಿ ಮುಸ್ಲಿಂ ಸಮುದಾಯದ ಮೇಲಿನ ನಿರಂತರ ಶೋಷಣೆಗಳನ್ನು, ಅವರ ನೋವುಗಳನ್ನು ಹತ್ತಿರದಿಂದ ಕಂಡು ಮನಸ್ಸು ರೋಸಿ ಹೋಗಿದೆ. ಚುನಾವಣೆಗಳ ಸಮಯದಲ್ಲಿ ಮಾತ್ರ ಆಳುವ ವರ್ಗಕ್ಕೆ ಮುಸಲ್ಮಾನರ ನೆನಪಾಗುತ್ತದೆ. ನಂತರ ಅದೇ ಹಲ್ಲೆ ಹೊಡೆದಾಟ, ಪೊಲೀಸ್ ಠಾಣೆ, ಕೇಸು ಕೋರ್ಟು. ಇವುಗಳಲ್ಲೆ ಮುಸಲ್ಮಾನರ ಜೀವನ ಕಳೆದುಹೋಗುತ್ತದೆ. ಮುಸಲ್ಮಾನರನ್ನು ಈ ರಾಷ್ಟ್ರದ ಎರಡನೇ ದರ್ಜೆಯ ಪ್ರಜೆಗಳನ್ನಾಗಿ ಕಾಣಲಾಗುತ್ತಿದೆ. ಕೋಮು ಶಕ್ತಿಗಳು ಮುಸಲ್ಮಾನರೆಂದರೆ ಭಯೋತ್ಪಾದಕರು ಎಂಬ ಭಾವನೆಗಳನ್ನು ಬಿತ್ತುತ್ತಿದ್ದಾರೆ. ಭಾರತದ ಸ್ವಾತಂತ್ರ್ಯಕ್ಕೆ ಪ್ರಾಣತೆತ್ತು ಹುತಾತ್ಮರಾದ ಸಾವಿರಾರು ಮುಸಲ್ಮಾನರ ಹೆಸರನ್ನು ಚರಿತ್ರೆಯಿಂದ ಮರೆಮಾಚಲಾಗಿದೆ. ಮುಸಲ್ಮಾನರನ್ನು ಸಮಾಜದ ಮುಖ್ಯವಾಹಿನಿಯಿಂದ ದೂರ ಇಡಲಾಗಿದೆ. ಅವರನ್ನು ಶಿಕ್ಷಣದಿಂದ, ಆರ್ಥಿಕ ಸುಧಾರಣೆಯಿಂದ, ಸಾಮಾಜಿಕ ಬದಲಾವಣೆಯಿಂದ ವಂಚಿಸಲಾಗಿದೆ. ಎಲ್ಲರಿಗೂ ಮುಸಲ್ಮಾನರು `ಓಟ್ ಬ್ಯಾಂಕ್' ಆಗಿದ್ದಾರೆ. ಈ ನಿಟ್ಟಿನಲ್ಲಿ ಸಮುದಾಯವನ್ನು ಜಾಗೃತಿಗೊಳಿಸಲು, ಅವರಿಗೆ ಸಿಗಬೇಕಾದ ಸೌಲಭ್ಯಗಳನ್ನು ಹೋರಾಟದ ಮೂಲಕ ಕೊಡಿಸಲು, ಸಮಸ್ತ ಮುಸ್ಲೀಮರ ದನಿಯಾಗಿ ನಾನು `ಮುಸ್ಲಿಂ ವಾಯ್ಸ್' ಎಂಬ ಕನ್ನಡ ಮಾಸಿಕ ಪತ್ರಿಕೆಯನ್ನು ನಿಮ್ಮೆಲ್ಲರ ಪರವಾಗಿ ಹೊರತಂದಿದ್ದೇನೆ. ಇದು ಕರ್ನಾಟಕ ರಾಜ್ಯಾದ್ಯಂತ ಪ್ರಸಾರವಾಗುತ್ತಿದೆ. ಈ ಮೂಲಕ ನಿಮ್ಮ ದೂರು ದುಮ್ಮಾನಗಳಿಗೆ ಪತ್ರಿಕೆ ವೇದಿಕೆಯಾಗಲಿದೆ. ಈ ಪತ್ರಿಕೆಯನ್ನು ಕೊಂಡು ಓದುವುದರ ಮೂಲಕ, ಪ್ರಚಾರ ಮಾಡುವುದರ ಮೂಲಕ, ನಿಮ್ಮ ವ್ಯಾಪಾರ ವ್ಯವಹಾರಗಳ ಬಗ್ಗೆ ಪತ್ರಿಕೆಗೆ ಜಾಹಿರಾತು ನೀಡುವುದರ ಮೂಲಕ ಹಾಗು ಪತ್ರಿಕೆಯ ಪೋಷಕರಾಗುವುದರ ಮೂಲಕ ನಿಮ್ಮ `ಮುಸ್ಲಿಂ ವಾಯ್ಸ್' ಪತ್ರಿಕೆಯನ್ನು ಬೆಳೆಸುವ ಜವಾಬ್ದಾರಿ ನಿಮ್ಮದೇ ಆಗಿದೆ.

ಅಸ್ಸಲಾಮು ಅಲೈಕುಂ.

ನಜೀರ್ ಅಹಮದ್.

ಸಂಪಾದಕ.

ಪತ್ರಿಕೆ ಚೆಂದಾ ವಿವರ :

ಪತ್ರಿಕೆಯ ವಾರ್ಷಿಕ ಚಂದಾ. 100. ರೂ.

ಪೋಷಕರಾಗಲು, 1.000/-

ಮಹಾ ಪೋಷಕರಾಗಲು 10.000/-ರೂ.ಗಳನ್ನು ಪತ್ರಿಕೆಯ

ಸಂಪಾದಕರ ಹೆಸರಿಗೆ ಚೆಕ್ ಅಥವ ಡಿಡಿ ಮೂಲಕ ಕಳಿಸಬಹುದು.

------------------------------------------------

ನಮ್ಮ ವಿಳಾಸ :

ಸಂಪಾದಕರು `ಮುಸ್ಲಿಂ ವಾಯ್ಸ್'

ಶಾಂತಿನಗರ. ಪಾಂಡವಪುರ ಟೌನ್, ಮಂಡ್ಯ ಜಿಲ್ಲೆ-571434.

------------------------------------------------

STATEBANK OF INDIA, PANDAVAPURA BRANCH

Account no. : 31644858831

IFSC-SBI.OO13345

Saturday, August 30, 2014

September_2014

No comments:

Post a Comment

ಪತ್ರಿಕೆ ಚೆಂದಾ ವಿವರ :

Blog Archive